من قلّتى فالوالي وليت إنقول للكلب يا خالي

لا توة إجي و يقلّك أحنا أمّة واحلا تي لا حبيت إنقول وحدة كلمتنا وحدة راينا واحد كي نتلموا بالنظام ولا فينا واحد يخرج على الصّف ولا على السطر إلحق متاع ربي ما ناش مقصرين في حوالينا و لا في أمورنا تي لا علاش نبعدوا لبعيدة واحد شدتوا بولتوا إعاد هو ماوا قالك البول إللي ماشي للسوناد الشارع أولى بيه وعليه

أما توّة يجي و يخبروا غدوة عيد لا طاح لا دزوه و من بعد يقلّك بدّل الفرح دايم ربي تي لا فاش قام إنبدلوا خلينا على نفس الوتيرة الضحك عاطي مسدّ و الشطيح والرديح و الشيخات و المتفرّحات و الشقوفات حشى العراشر وأحنا من فيشطة لفيشطة ديما خارجين و داخلين بعضنا على الحبّ في الفرش متعاشرين و على المظهر اللايق متسابقين على العشرة ماناش سائلين و العزوزة واقفة في راس النّهج زغاريدها قبب و المطر كاينة و الواد يهرهر
بربي أما خير و إلاّ الواحد يقعد للشياح قال أش نوّة الوحش و لا لذى
لذى و بما أنّي بلاش والى و ليت كلّ ما يعرضني كلب إنقلّوا ياخالي

بربي خويا الفرطاس سامحني كويلو أنزاس