la famille 5orr Torr : "ey wou el 9affefa ach na3mlou fihom..."

... Bon ta7ya Tounes... berjelha wou nseha... bekbirha wou sghirha, ama ach bech na3mlou fil 9affefa??? sou2el matrou7, ena men ray el 3adem... elli el moumathlin tbadlou ama el décors houwa houwa... el ach5ass houwa houwa... wou el klem houwa houwa...

klem el bneder, klem el skeken... wou klem el mseken... kenou mseken m3a ben 3li wou tawa mseken wa7adhom... wou demain msekken m3a achkoun...

kenou ma3an men ajli tounes??? wou tawa kol tounsi 3ala rou7ou... wou ghodwa a7na m3a achkoun???

kenou ma3an lirafe3 el ta7adiyet??? wou el youm el kolna ta7adiyet??? wou ghodwa kifech bech etkoun el ta7adiyet...

kenou el kol y saf9ou ki y 9oul :ayouhal mouwatinoun... wou tawa el mouwatinoun wallawou tha2iroun... wou bokra??? lachkoun bech y saf9ou...

kenou 7ad ma y 9oul lé??? wou tawa el kolchay en9oul lé... wou ghodwa 7ad mahou bech y 9oul lé...

Tounes el décors houwa houwa... wou el moumathlin etbadlou... ama el scénario houwa houwa... lidha mabrouk 3likom, el 7orriya wou el 3a9ba lel dimo9ratiya...

hatem jaouher
mouwaten Tounsi... ma 3andou 7atta chakwa.