la famille 5orr Torr - chi3arna : " da5linha kobba, 5arjinha 9iyem..."

het na5dhouha men mafhoum, el wattaniya... ki en9oulou tounes, Za3ma ach etnajjem etkoun bledi wou bledek wou bled el twansa el kol... het en7ottou barred tey wou 9ortass 9loub wou ne9fou wa9fa tallaliya 3ala tounes el 7orriya wou 9olli ach rit fiha, ken el fawoudha je suppose, ken el hamajiya... mella 3lech bled kima bledna tari5 wou amjed, el bled elli kenet el oula fi ta7rir el 3abid wou awel bled fi el 3rab wou efri9iya 3amlet dostour... el beld elli kenet en sabe9a fi kol mahou tatawer el youm et3ich fetna...

za3ma 3lech wou ach koun woura hedha???
ach koun elli yejbed fil 5yout, wou y 7arrek fil 9youd... 7orr??? lé mayodhhorlich, ama ma5nou9, hakka enji m3ak wou na3tik wedhni... 3lech el bled wallet fawoudha... taya7na 9imet el drabou la3ziz wou choule9na el mRa elli 7arrarneha, wou elli mahouch m3aya dhodi... wou elli dhoddi 3douya, wou 3douya yelzemni na9dhi 3lih...

Za3ma kifech wallina hakka, 5yout et7arrek fina wou el 3it toghzer wou el 9aleb youja3... kedhbou 3lina wou 9alou thawoura... el bera7 fil layem kenou lel zine 3abidine wou tawa wellewou yetne7rou 3al solta wou korsi el soltan???

Za3ma ach koun elli 5alena da5linha 9obba 5arjinha 9iyem...
maykoun ken wa7ed, kalba bni kaleb... la y 7ebb el trab elli m3afess 3lih wou la ya3cha9 chamesha... en9ollou kima sar fi sidek bech y sir fik...

y ji nhar wou ne9leb safiha 3ala 3aliha wou enhabbet el sma belli fiha wou enrod 3aliha wattiha wou el yatti elli fiha enroddou fi a3aliha... wou elli 3la fi smawetha enrodou fi asfel ma fiha, wou el 3ali elli mahouch melli ghayrin 3liha lema enroddou asfel mafiha...

ar9am 9iyassiya.