bech nejbedlek 3inik...

ti 7ell 3inik 9aletli wa7da, wa9etha we9fa fil saff!!! 9aletli 7ell mli7 3inik, ya5i ma ritnich bech enmeress 7a9i lenti...5abbi, 3lina rou7ek!!! ah? ya5i tlabet el sme7 nal9ah ki hammi lehi fi maa la ya3ni... wa9eff men fjari, 7achi sob3ou fil7bar, emmarghed, wou fil le5er, rja3 betwelli 9al achnouwa mess...lem.

Ti lé 3ad 7ell 3inik mani 9otlek rak ne9ess ndhar wou ma3andekech, Bo3ed ndhar walla fammech wa7ed, ya3mel thawoura, wou yo5rej men 3a9lou wou y 3ayett wou yakkel el 3assa wou men ba3ed 9all achnouwa 3ala 5aterou messs...li...me, wou sonni, wou metrobbi wou ye3bed wou el ma3boud rabbi, machi yenta5ab, fi el nafdha...

ti achnouwa tawa mani 9otlek 7ell 3inik ya yeldi wou rodd belek, win et7ott sa9ik, ena 5ayef 3lik, la ydourou 3lik kima elli saffa9etlou fi nhar 7 nouvembre, wou zakitou wou allahtou, radditou ki ach y 9oulou... far3oun, wou tawa jay et9olli, ti lé tawa ken ya3mlou hakka walla hakka, en3awoudou el thawoura, ba3ed achnouwa, ya5i balek tes5ayllou beb el 7arra, koll jem3a zoze2...

yez...zini, barka men loughet el massi...rat wou ma ratech, yezzini barka men el idhra...bet ma sba7, yezzi barek men loughet, bech entah...rouha, 3leh ritni manich mtaher, yasidi mtaher wou thara 3arbi mena al tirazz el rafi3... yez...zini, men loughet mess...lem rou7ek wou elbess, tra fiya 3eryenn 9oddemek???

wou kafer 3ala 5ater ma 3andich 7yout fi rassi, wou ma 3andich biben msakra, menselm, eb imeni wou elli, 3alemhouli elli jabni, messlem, eb 9or2eni, wou mouch wa7ed jahell lel 3elem, bech y 3allamni din, ommi wou din baba...

messlem, ya amir, el jahilin... messlem, ya amir el dajjalin, messlem, wou manbi3ech dini, bech na5ou korssi, wou ne9leb klemi... messlem, wou islami, infite7 wou tha9afa, wou 7adhara, islemi, Tolérance, messlem, wou islami, tari5, wou mawoudhou3iya...

meslem, bel taba3 wou mouch bel seb7a, meslem, bel fe3el wou mouch, bel fa3iliya, meslem, bel imène, wou mouch bel imama mta3 wa7ed bou yejhin ya amir el met5allfin???

aya 7ell 3inik 5alini ma3sarlek fihom el 9aress...

Ti 7ell.

ar9am 9iyassiya.
rapport d'otopsi...