...ya doctour, ti ena 7atit sob3i wou houwa zre9!!! lin walla f7am... wa9etha 9alouli aya mabrouk ahawouka salaKetha kberet wou wallit ma7soub rajel!!!
ena hakkeka ya doctour, wou nal9a rou7i makel m9ass, jit enseff fil trab... wou d5alet ba3dhi wou labni la3ra9...wou chadetni el gafghefa, wou senaya taketkou, wou 5doudi 7marou, wou souti ta7 fil maa... el 7asilou ya doctour ach bech en9ollek???
ghzarli hakka wou 9ali : "lebes, lebes... tekber wou tansa, ena mani 9otlek rahom bech y chedouk bel sif wou bech yo7kmou fik wou y bad...loulek fil 3a9ida mte3ek 9al achnouwa enti massouk wou islemek mahouch endhif 3ala 9a3da s7i7a...
9ali atawa ba3ed ma bech yKafrouk, bech ho5erjou lel ness wou yene3touk bel kofer!!! wou el el...7ad houni lebes, wou men ba3ed bech y badloulek 3weydek wou yroddouk meslem kima y 7ebbouk y labsouk Roubba 9al achnouwa, bech y san...souk, wou serwell bel 9dar enti wou houwa wou sabbatek...
9ali, rahom y 5afouk, y 5afou el 3elem elli fik wou el feker elli malik, bech yocherboulek mo5ek wou y bi3oulek 9we3ed salafiya, rej3iya, ye3lou fiha el antha moumess, wou el mra maj3oula bech etfarra5 kil djej.
9ali, bech ye5dhou mennek 7or...ritek fi hak el taswira el dho7ka maliyetlek fou2edek lem baza3, ba3ouk, fi 9aleb, négociation, wou 3tawek lelli ma yess...wech, wou ki 9omet 7alit fommek, 9allou 3ell...mani 9oltelkom rahou kefer...
bech y7anfouk, wou ysebou ommek wou ykafrou book...
9ali rahom bech yocherboulek mo5ek wou y mossouh, 7atta Y5aliwek 3al 3dham...
aya barra hedha el début...
ar9am 9iyassiya.
rapport d'otopsi
Aucun commentaire:
Enregistrer un commentaire