Ti lé 3ad mani 3titek... trait...ment jdid.

tawa enjik wou en9ollek ochrob, 7arboucha 3 marrat fil nhar... wou zed 3titek maf...toul, wou 3oredh. bech et7ottou martine fil nhar, wou zorri9a. etji tawa wou et9olli lé dwayettek ma walmet...nich. behi ija na3mallek zorri9a a9wa men 9ball, wou ma t9ollich el marra hedhi, mahich bech etwalmek.

aya habbet serrwalek, wou dour lel 7it wou tabbess, ya weldi ma t5afech yamma da9it zrera9 lelli seb9ouk, wou yamma 3maltelhom, mfetel bech ma 3adech yomerdhou, be.. e5.. chou...met..homa ki etji etchouf, ma y7ebbouch kifek el 7o9an 9allek ena déjà men 3aned rabbi 7o9na wou zid etji ta3malli 7o9na, mani ennajem nemchi fiha, mella ya sayed ma t5afech el 7o9na lel 7o9na wou rassek 3ali. aya tabbess wou sami besmella wou e7seb 7atta el 5amsa, wou tawa el oumour tet3ada sala...met.

ah ach 9awoulek fi yeddi mouch etjammed el maa, ah yeddi mouch 5ir men yeddou, ach
9awoulek fi yeddi mouch 5ir men yeddek???

aya 7ell fommek tawa bech na7chilek 7arboucha ettaya7lek fil s5ana bech 5achmek, ma yej...rich, wou ma trassilekchi, hazzez 5achmek 3lina, walla ijik enhar wou ta3tess
3lina wou ta3...dina, wa7ed ma sadda9 el rabbi, brra mel 3adouwa, 3adwet achnouwa???

3adwet el tass...fi9 3ala Rou7ek, wou dhar...ben 3lik el in7itat el cha3bi, wou el insiyeb li malla...that el korsi, wou el insiye9 ya fata, li 3adm i7..tiram, el
7orriya el met...bedla. en7ebbek 3ad f7al, mella achnouwa wou barra 3malet maftoul, elli yetchad bel siff, ma i9oulouch 3lih mridh.

en7ebbek 3ad etkoun met...robbi 7acha 5li9et rabbi wou etched rou7ek hakka wou twarina ach bech ta3mel, fi methel hadha el dharef el da9i9. ah sama7ni ena ma
3titekech, el traitement el kol, mani 5ofet la ya9wa 3lik el dhareb, wou zid hal
9torr, bech ki na3sarlek el 9aress fi 3i...nik, matjich techkili wou et9olli elli el dwa ma walmekech.

ma tensech 3ad ore9ed 3ala janbek lisar 3ala 5ater limine, mahouch madhmoun... wou
se3a se3a yejbed bik la7...bal rou7ou, mella ched emsa7 bech ma t5alich athar el
zori9a, wou el maftoul... ti hawou 3andek le9boul enti. 9al achnouwa ma7...baube,
wa9fin m3ak.

wou ma tensech 3ad, arj3ena bech enra9bouk 3an kathab... ki etji 5arej 3ayatli lelli ba3dek, bech na3tih dwa, 3ala rassou wej3ou, wou louken l9itou mghawef 9ollou 9allek el doc...dour, wou barra 7ajjem wou arja3li fi mounesba le79a.

aya 5allasni, en5alsek.

Ar9am 9iyassiya.
Rapport d'otopsi.
ihda2 ila 5alti 5ira.