5rafet ness tawwa mouch ness bekri

ya7kiwou ahel el siyessa wou el handesa 3ala wa7ed mounadhel, ken bekri, r9ad wou 9am yal9a rou7ou Ra2iss, fi bled To7kemha el I3tisamet, 3lech houwa wa9etha 5rajj lel cha3eb za3ma za3ma yhaddi fih, wou y 9ollou a5tak tak tatak tak mel i3tisamet, 3ala 5ater ma3andha win twassel, wou houwa 5ayef 3ala korsih la yohreb 3lih...

ki wallet fiha dhareb 5nifri wou taty7 el 3alam, wou ihenna el rayet el bled, 5raj el mounadhel, elli walla ra2iss, wou Ghanna 7ometa el 7ima 3al mouba...cher men 9oddemi, wou al9a kalima bel mounesba, za3ma za3ma 3ib wou ma yjich na3emlou hakka fil drabou, y 3ad zedou jme3et bou Le7ya 5tiwa 3ala 9oddem wou wallewou houma bidhom mo3tasmin, 9oddem el talefza 7a9a 7a9a el jazira 5ir, wou el wattaniya kartouniya el maghbouna, 3lech mouch fi 3id el masre7 el 3adhim smella la3dhim, hejmou 3al fannanin, wou dharbouhom bel 3dham ti el 7arra eb 700 wou houma y kareytou fihom wou yene3tou fihom bel koffar, wou el 7akem frayji kima el 3ada wou el 3weyed mella kifeh...

... wou kothrou el mouna9...bet fi choun a5iha el mess...lem rou7ek, wou enzadoulna el 5outab fil jwame3 tad3ou lel jihed fi sabill el chari3a, fil el dostour, wou ness et7eb temchi et7arrer falas...Tine el 3ar...rabiya, wou koulni nek...klek, ta bonbok wou elli raj3et el drabou leblastou wassamnetha mella kifeh , wou jebneha fil tlafezz wou el radiwouet, wwou wezra ta7ki wou bi3an marché noir, wou ztalli 5arjet, wou el thawoura keyna, wou ensse 5ayfa, wou biran ma7loula wou takbir, mel sbe7 lel lil wou drabouwet k7oll etdour, wou el mounadhel elli walla ra2iss, ya3ti fil drouss, fil wattaniya, wou el boutoula 7alha y bakki wou el monta5ab rawa7 mel coupe d'afrique bi 5oufay 7ounay... wou el 3zouza hazezha wed wou hiya et9oul el 3am 3am sabba, ti 7atta mel thelej sabb 3lina...

...wou el cha3eb metfarre9 ki wouled el 7ajla, baghla!!!! ti el 7asel ya sidi, wallet fawoudha jmila mnadhma, fiha chi3ar dezz ta5teff, orbett bi sahem, wou el mouhem i3tassem wou ach 3lik. wou tfer9et el kressi ti elli ma 7assalchi blasset wouzir, walla moudir, ti 7atta safir, 3taweh blasset walli sghir, wou takbir brabbi takbir, wou habtet 3lina el icharat el rabbaniya, wou el troyka 3amlet i7tifel bel mounesba, chrewou 5obza gâteau men dicarlo, mella winek wou klewou lin cheb3ou el zawelli yetfarrej, 5oulasset el hadra, mac 3tit soutek, koul el chrombet wou balla3.

ar9am 9iyassiya.
Rapport d'otopsi.
5rafet ness tawwa mouch ness bekri