5rafet ness tawwa mouch ness bekri - el 5rafa el rab3a

ya7kiwou ahel el fann, wou el 7orriya 3ala bled Kenet fiha el 7orriya nahej twill 3ridh el kollou boulissiya, wou fi sbe7 mouch kima sbe7at hak el bled, 5raj el cha3eb el kollou lebes wou 3eryenn, y3ayet bel sout Dégage!!! ya5i 7akemhom bet ma sba7 wou 9al el R7il la rassi ytirr, wou cad el mzaffet lebled meselma, wou 5allena jraba3 safi, fi hak el lill may el beld elli fiha nahej twill 3ridh esmou 7orriya, wallet se7et waghaa dhareb kartouch, wou 7adher tajawel, wou 3yat wou mouta wou bkaa...

...mawou 5rajelhom wa7ed chadded fi Ka7a wou yor3ech el maghboun wou 9allelhom el wadhe3 da9i9, jiddan ya5i jawoubou Zmim el 3ourouba, elli 3amloulou este9...Bal 3ala Rou7ou wa9et el zine, wou rja3 tala3a el badrou 3alayna, wou talefza tsawwer wou sa7fa tendeb, 5raj wou sa7 fil 5alle9 wou 9allelhom, beld nahej el 7orriya bech twalli islamiya mella kifeh, el ma5lou3 te5la3 wou ell chi5 l9a el mdina 5aliya 9am fiha el adhen...

... Sba7na bel7ey, sob7an allah, wou bel 9amiss ykorr, wou el ni9ab idha lzem, wou wallet el bled elli fiha nahej esmou 7orriya twill 3ridh, messelma 3ala 9a3da s7i7a, wou 9all Zmimhom, hadhi icharat rabbaniya, mella kifeh sidi 5ouya, wou melli ken 3anna el settin 7ezzeb wallina 100 wou 9offa, wou el tlafezz, etjib fihom bouh 3ala 5ouh, mouch 3ala 7aja, 3al 7orriya mta3 el Rai.uno, wou 5outab fil jwama3, wou e3tassamna Wa9etha fil 9asba 9al achnouwa, mouch 3ala 7aja ama yelzemna nose9tou el 7oukouma, mel 3ankouch lel krouma, wou jaa el baji, el faress el meghwar eb sebssih, wou 3malena 3aredh el 7a9 mezyen, wou naktelna noukat farehdetna, wou daret el 3ajla wou 3malna enti5a...bet ma sba7, wou 7attina sbO3na fil 7bar, wou el mounadhell elli r9ad wou 9am l9a rou7ou Ra2iss, wou el chauffeur mta3 el louwajj d5all lel majless el tbalbizi, wou elli mat mchat fih wou fel 7achecha, wou elli tedhrab bel el kartouch dhrabneh bel matrak, tak tak tatak, ya bonbek, wou 3adet 7alima li 3adetiha el 9adima wou el nahej elli ken esmou 7orriya fi hak el bled, mezzel kif ma houwa, ama fi blaessel el boulisiya 7atina sortiya.

Ar9am 9iyassia
Rapport d'otopsi