معترض٬٬٬ تش توه ؟

حديثنا قياس نفّاس و ما هوش لكلّ النّاس حديثنا عجم و ماهوش عجيب حديث الروح للروح حديث الطرفة و الغلبة و ساعة ساعة حديث للهربة حديثنا مبهم مصروم مدغم
لا ملاه سياسي و لا حفضوا شعب حديثتا ماهوش مفهوم٬٬٬
حديثنا أنفاس و حديث النّقاش مخروم كي عامة الشعب ضرب الهلواس و كلّ واحد خلق هويتوا و الّي يسرق في لنفاس و إلّي هازوا نعاس و الّي رقد و قام يعاشر في الوسواس الّي سكن في عقول الناس و كفّر إلّي عكس الطيّار و و علّم الناقس هدرة : لاإله إلا الله
حتي بالنّفاق المهمّ فوضى و تكبير و عياط و يبّان و تزوير بحق إلاهي و حق الحريّة المتبادلة
لكن الحريّة الزايفة و الفوضة المزعومة هازة ناسها للهاوية في إطار البحث عن الهويّة

ويني الصحافة وين الإعلام وين القلم المرزي وين الكلام المعقول الواثق الموثّق المقبول وين الحق المسلوب و الواقع المغلوط الصحيح غالط و الغالط مقبول رجعنا منين جينا وجينا نربحوا صادنا بو ذبيح٬ يالندرى علاش روحي ما تصفاش قال الشالر المتهوم بالزندقة
وين القلم المشوم و صوت العالي المهزوم وين الرّاي المخالف المتهوم بالكفر و العلمانيّة
أش بي دخلت في صفوفكم غولة و ليتوا كي المتعوسة المهبولة
لا تفرّق بين الكورة و الأنبولة

ويني الشعرات الحيّة اللي العالم الكلّ حفظ معانيها و رددها في شوارعوا
وين الكرم ويني الطيبة هذي هويّة الشعب موش الكشطة و القميس و الشاشيّة بالكبيطة
هويتي القلم كلام كي السّم همّ يتهمّ علّي تهم الساعي للعلم
قلمي أحرش مزطول بالخرافات و توارخ البلاد و كلامي فيه القاف و الأيف و اللام
وحافظ كلام العالي و سنّة النبي
لا إنت محكّر لحكام و لا هالم الإيمان و لا حافظ الأيمان
ينبع منّي و منّك و منّو الإيمان

حاتم جوهر
معترض