Koul el 3am, wou enti eb...alef 5ir ken en7ottou el wattaniya

ena 9a3ed, netfarrej fil chou3oub tay7a ki el dhebben, jatni jarti elli tosken fou9 menni, wou temchi 3liya wou etji, da99et el beb, jabetli 5obza mta3 gâteau 9aletly happy new year. 9oltelha 5atini, 9aletli ach tetmanna fi el 3am el jdid... ah 9oltelha ken 3ala 2012 ta7ki 3andi ma netmanna...

9oltelha, net...manna, 3ammar 404, ybaddel el karahba wou yarja3 mel 7ejj wou y sakker 3lina el Facebook, wou el youtube wou yezzina mel porno, 3ala 5ater berjouliya el rkayeb ferghet, wou el dhhar t9awess. ya 5ouya arja3 wou ta7 el kaff 3ala dhollou wou a5tana men hadret el 7orriya, wou el dimo9ratiya...

net...manna touness tarja3 bled el boulisse, bled el amen, wou el amène, wou yode5lou 3lina bel matrak 3lech lé??? ya5i ken houma ma yadherbounech achkoun bech yadh...rabna!!! wou y walli el dhareb fina wou fil kleb, ah mella...

net... manna, yarja3 el nidham bi kolli 7azemm rou7ek, hedha el ta9te9ou mazzelek el falle9ou!!! wou twansa el kol t7ajjem l7iha wou enna7iwou 5amja 3ala 9loubna el k7oll, wou nelbsou 7wa...yejna, wou narej3ou lel bendir wou el 9offa wou el machiyen lel marchi... wou yezzina 3ad mel take beer 3ala 5ater el cha3eb sker...

net...manna, narej3ou lel fakken wou el ser9a jharr bharr fi 3ezz el nhar... endawrou la7zem wou el sweba3, wou en3ichou 3ala koulni nek...klek, wou jaw ya bonbek.

net...manna, el zine yarja3 leblastou wou y hezz wou yonfedh 3lina, wou yo5rejj yekdheb 3lina, wou bi3elna el 9ered wou a7na nesaf9ou wou trabelsiya yadha7kou 3lina, net...manna, el m3amel et7ell, wou btalla tetwaffer, wou cha3eb ya3fsoulou 3ala garjoumtou, net..manna, el moutha9af, yethamech, wou el siyessi yosket, wou sa7affi ynached, net...manna, el wattaniya twalli tounes tab3a, wou 7annaba3el twalli enadi ebtoul lo3mor el zouzou, wou nessma tal9a bouha la7nin...

net...manna, touness tarja3 kima kennet 3ala 5ater kenet fawoudha mnadhma, wallet fawoudha 3arma...

koul el 3am, wou enti eb alef 5ir, ken narej3ou kima konna, ena jarti fou9i takkel fi matrakki, wou cha3eb yekel fil masbet, wou 9wada kothret... el 7asilou inchallah 2012 y koun antha mouch dhkar.

ar9am 9iyassiya
rapport d'otopsi